Ji demên kevin ve, Şeva Çileyê — şeva herî dirêj a salê — li kurdewariyê şeva civîn û bi hev re bûnê bûye. Malbat li dora hev kom dibûn, mezinan çîrok vedigotin, zarokan guh didan û sifre bi henar û fêkiyan rengîn dibûn. Ew şev ne tenê derbaskirina tariya zivistanê bûn; ew pirek bûn di navbera nifşan de, ku bîranîn, kevneşopî û evîn ji nifşekî derbasî nifşekî din dikirin.
«Şeva Henarî» hewldanek e ji bo vejandina wê germahî û bedewiyê, li vir, dûrî welat. Şevek e ji bo bi hev re bûn û evînê; ji bo germkirina têkiliya navbera nifşan, da ku mezinên me bîranînên xwe vebêjin û zarok û ciwanên me reh û rîşeyên xwe nas bikin.
Di hembêza muzîka kurdî, govend û kevneşopiyên me yên resen de, henar dibe sembola vê şevê: fêkiyek ku bi sedan dendikên sor di nav yek qalikî de diparêze. Wek me; li her derê vê dinyayê bin jî, dilên me di yek malê de digihîjin hev.
Bi malbat û hevalên xwe re were, da ku em bi hev re şeveke dirêj a zivistanê bikin şeveke tije germahî, ken û bîranînên xweş.
Di vê şevê de
- 🎶 Muzîka kurdî
- 💃 Govend
- 🕯️ Kevneşopiyên resen ên şeva Çileyê
- ❤️ Bi hev re bûn û têkiliya navbera nifşan
Bilêt
Li jêrê vê rûpelê hejmara mezinan û zarokan hilbijêre; hemû yekser tê nîşandan. Paşê bi kartê an bi Interac e-Transfer bide. Bilêtên te bi koda QR bi e-nameyê tên.
Bibe beşek ji tîma rêxistinê
Tu dixwazî di rêxistina «Şeva Henarî» de beşdar bibî? Bi me re têkilî dayne.